Tuesday, 27 May 2008

• 搵工去

  　暑假都未開始一星期，就要開始搵暑期工。

  　以往小弟做開都係文職或者文文職或者temporary 文職的工作。

  　所以，屌，要搵，來來去去都係搵返文職。

  　曾經做文職做到屌曬鬼，因為份文職好撚不文，日日要聽住個五條八婆講埋曬啲女人偉論，譬如個港女iris 曾經講過：「個男人本身唔係好靚仔，但係因為佢住貝沙灣，所以佢好靚仔。」我心諗，屌，無論你住飛鵝山定夏威夷火山，你都係樣撚衰架啦！唉，如果呢個世界多幾條咁o既八婆，唔好話世界末日，宇宙都有機會滅絕啦。

  　暑期工，如果唔係有人鋪橋塔路，都真係幾難搵。

  　不過，其實又唔止係暑期工，凡係搵工，都要有人脈關係同埋面面俱圓o既交際技巧架啦！

  　仆街，我睇過有一份暑期工，offer 四千五蚊，點列出黎總共有廿鳩幾樣野要你做，我就發覺，呢個香港，根本唔係請人，係請狗，或請牛的。

  　所以，如果你寸啲，可以買本十二生肖書俾個interviewer，同佢講聲：「我今日其實唔係黎見工o既，只不過見你俾四千五蚊，竟然可以要求咁撚多野，咪買啲野俾你，睇下入面搵唔搵到你想要o既野囉。嗱，譬如本書入面個隻牛，就符合曬你請人o既要求喇！哈，送俾你的，隨便睇。」

  　到呢個時候，肯定又一班仆街走出黎話：「做後生仔唔應該咁計較，熬下有乜所謂呢！」

  　屌，次次講到咁，你都無撚敵架啦！

  　你玩埋佢囉！

  　個世界就係俾你地講曬架啦！

  　後生仔就係要熬丫嘛！大學生就係要刻苦耐勞嘛！老闆就係要風得風要雨得雨丫嘛！香港就係要聽你支笛丫嘛！

  　屌，費撚事理你，我搵工去。

  • 4:09 PM
  • 699 Views
  • 8 eProps
  • 10 Comments